Solatullah solamullah
Solamulah ala toha Rosulillah
Solatullah solamullah
Ala yasin habibillah
Di ayun-ayun ho amang di ayun
Dianggun dibue-bue
Hado amang si ubat lungun
Jadi maho anak na soleh
Di ayun ho amang di ayun
Sareta mai doa syukur tu
Tuhan
Malum nyae sombu lungun
Horas torkis markasehatan
Solawat salam tu Rosulullah
Mangharop syafaat ni ibana
Di anggun ho amang anggunan
martua
Patidaon holong amaina
Anggunan namar bunga-bunga da amang
Dihiasi nauli bulung
Suang de ma anggunan syurga da amang
Riang sude kaum namar kunjung
Horas ma tondi madingin
Jona sayur martua bulung
Jadi maho anak na mukmin
do amang
Cita-cita nian marujung
Di ayun ho amang di anggun
Di ayun di bue-bue
Nauli bulung riang manganggun
Horas torkis markasehatan
Tu anak songa pe boru
Sude naon maroban gabe
Sagalo koum mandoaon homu
Jadi mahomu anak na soleh
Simbur ho amang lao
magodang
Pek-pek (pade) muse lau
martua
Ringas mangarejoon
sumbayang
Sareto mandoaon ama ina
Hodo jagar-jagar ama ina da amang
Mayam-mayam disi mangido
Marlagut kahanggi anak boru mora
da amang
Sapangida homu anak par agama
Marluhut kaum sisolkot
Nasian jae nasian julu
Nidaon amang sudeon accogot do amang
Holong nia ulang lupa homunyu
Hodo uduk ni tangan na pondok
Tambah ni gogo naso sadia
Nadung lanon amang ulang gabe lotok
On
ma doa nami kaum keluarga
Bege tondimu anso matogo
Di pasahat baga-baga
Niat ni ama ina di palalu
Maroban sehat maroban tua
Muda dung maginjang mangodang
Pagogo do amang marsikola
Haru sibukmu menjeng marnyiang
Digogoi manjalaki nasuada
Poken diaek nabara da
amang
Namadundung tusi pagabu
Dao nian sagalo mara da
amang
Nazar ni amaina di palalu
Sae horasma tondi nadingin
Jana sayur matua bulung
Tutut doa allahumma amin
Riang sude koum namarkunjung
Solatullah solamullah
Solamulah ala toha Rosulillah
Solatullah solamullah
Ala yasin habibillah
0 Response to "Syair Ayun Budak Suku Mandailing"
Post a Comment